நீங்கள் தேடியது "சிறப்பு பஸ்கள் இயக்கம்"

திருவண்ணாமலை:

தமிழகத்தில் வரும் 18-ந் தேதி பாராளுமன்ற தேர்தல் மற்றும் 18 சட்டமன்ற தொகுதிகளுக்கான இடைத்தேர்தல் நடக்க உள்ளது. தேர்தல் அமைதியான முறையில் நடத்த துணை ராணுவம், போலீசார் என்று பாதுகாப்பு ஏற்பாடுகள் தீவிரப்படுத்தப்பட்டுள்ளது.

இந்நிலையில் சித்ரா பவுர்ணமி தினத்திலேயே, பாராளுமன்ற தேர்தலும் நடைபெற உள்ளது.

சித்ரா பவுர்ணமியை யொட்டி திருவண்ணாமலையில் அண்டை மாநிலங்கள் மற்றும் மாவட்டங்களில் இருந்தும் ஏராளமான பக்தர்கள் கிரிவலம் செல்வது வழக்கம்.

இதனால் தேர்தல் மற்றும் சித்ரா பவுர்ணமி என்று தனித்தனியாக பாதுகாப்பு ஏற்பாடுகள் தீவிரப்படுத்தப்பட்டுள்ளது.

சித்ரா பவுர்ணமிக்கு முத்தரசி, ஷியாமளா ஆகிய 2 சிறப்பு எஸ்.பி.க்கள் நியமிக்கப்பட்டுள்ளனர். கோவில், கிரிவலம், போக்குவரத்து என்று 3 ஆக பிரித்து பாதுகாப்பு ஏற்பாடுகள் செய்யப்பட்டுள்ளது.

இதில் கோவிலுக்கு மட்டும் 600 போலீசார் பாதுகாப்பு பணியில் ஈடுபட உள்ளனர்.

இந்த பஸ் நிலையங்களில் இருந்து கிரிவலப்பாதை வரை செல்ல 61 சிறப்பு பஸ் இயக்கப்பட உள்ளது.

மேலும் காவல் உதவி மையங்கள் அமைத்து பக்தர்களுக்கு உதவ நடவடிக்கை எடுக்கப்பட்டுள்ளது. 10-க்கும் மேற்பட்ட இடங்களில் 108 ஆம்புலன்சு நிறுத்தி வைக்கப்படுகின்றன. #TiruvannamalaiGirivalam

சென்னை:

தமிழகத்தில் பாராளுமன்ற தேர்தல் ஏப்ரல் 18-ந் தேதி நடைபெற உள்ளது. 39 பாராளுமன்ற தொகுதிகளுடன் 18 சட்டசபை தொகுதிக்கும் இடைத்தேர்தல் நடைபெறுகிறது.

21 வயது நிரம்பிய அனைவரும் கட்டாயம் தங்களது வாக்குரிமையை பதிவு செய்ய வேண்டும் என தேர்தல் ஆணையம் விழிப்புணர்வு ஏற்படுத்தி வருகிறது.


சென்னையில் பல்வேறு மாவட்டங்களை சேர்ந்த லட்சக்கணக்கான மக்கள் வசித்து வருகின்றனர். இவர்களில் பெரும்பாலானவர்களுக்கு சொந்த ஊரில் தான் ஓட்டுரிமை உள்ளது.

இதனால் பொதுமக்கள் வசதிக்காக சொந்த ஊர்களுக்கு சென்று வாக்குப்பதிவு செய்ய சிறப்பு பஸ்களை இயக்க திட்டமிடப்பட்டுள்ளது.

சென்னையில் இருந்து வெளியூர்களுக்கு தேர்தலுக்கு 2 நாட்களுக்கு முன்னதாக சிறப்பு பஸ்களை இயக்க போக்குவரத்து கழக அதிகாரிகள் முடிவு செய்துள்ளனர்.

இதுகுறித்து அதிகாரி ஒருவர் கூறியதாவது:-

சென்னையில் வசிக்கும் பிற மாவட்ட மக்களுக்கு ஓட்டுரிமை சொந்த ஊர்களில் இருக்கும். அவர்கள் தங்கள் வாக்குரிமையை பதிவு செய்ய தேர்தலின்போது 400 சிறப்பு பஸ்கள் இயக்க திட்டமிட்டுள்ளோம்.

மக்களின் தேவைக்கேற்ப கோயம்பேடு, பெருங்களத்தூரில் இருந்து சிறப்பு பஸ்கள் இயக்கப்படும் என்றார். #LokSabhaElections2019  #SpecialBuses

சேலம்:

நாடு முழுவதும் வருகிற 6-ந் தேதி தீபாவளி பண்டிகை கொண்டாடப்படுகிறது. வெளியூர்களில் தங்கியிருக்கும் பலர் தங்கள் சொந்த ஊரில் இந்த பண்டிகையை கொண்டாடுவதற்காக பஸ்கள் மற்றும் ரெயில்களில் முன்னதாகவே முன்பதிவு செய்து விட்டனர். மேலும் தீபாவளி பண்டிகையையொட்டி பயணிகள் கூட்ட நெரிசலை தவிர்ப்பதற்காக 2 ஆயிரத்துக்கும் மேற்பட்ட சிறப்பு பஸ்கள் இயக்குவதற்கு அரசு ஏற்பாடு செய்து உள்ளது.

சேலம் கோட்டமான சேலம், நாமக்கல், கிருஷ்ணகிரி, தர்மபுரி ஆகிய மாவட்டங்களில் இருந்து 1,800-க்கும் மேற்பட்ட பஸ்கள் இயக்கப்பட்டு வருகின்றன. இந்த நிலையில் தீபாவளி பண்டிகையையொட்டி 300 சிறப்பு பஸ்கள் இயக்கப்பட உள்ளன. இந்த சிறப்பு பஸ்கள் நாளை(வெள்ளிக்கிழமை) முதல் 5-ந் தேதி வரை இயக்கப்படுகின்றன.

மேலும் பயணிகளின் கூட்ட நெரிசலை தவிர்க்க நாளை முதல் சேலம் ஜவகர் மில் திடலில் தற்காலிகமாக பஸ் நிலையம் செயல்படும் என்று அதிகாரிகள் தெரிவித்துள்ளனர். இதன்படி சேலம் புதிய பஸ் நிலையத்தில் இருந்து சென்னை, விழுப்புரம், புதுச்சேரி, கடலூர், சிதம்பரம், ஆத்தூர், கள்ளக்குறிச்சி, வேலூர், திருவண்ணாமலை, ஊத்தங்கரை, அரூர், தர்மபுரி, கிருஷ்ணகிரி, ஓசூர், பெங்களூரு, ஓமலூர், தாரமங்கலம், மேச்சேரி, மைசூரு, மேட்டூர், ராசிபுரம், எடப்பாடி ஆகிய பகுதிகளுக்கு பஸ்கள் புறப்பட்டு செல்லும். இதேபோல், ஜவகர்மில் திடல் பஸ் நிலையத்தில் இருந்து கோவை, ஈரோடு, நாமக்கல், திருப்பூர், மதுரை, நெல்லை, திருச்சி, தஞ்சாவூர், நாகை, திருவாரூர், ராமேசுவரம், தூத்துக்குடி ஆகிய பகுதிகளுக்கு பஸ்கள் இயக்கப்படும்.

மேலும் புதிய பஸ் நிலையத்தின் நுழைவு வாசல் பின்புறம் உள்ள இடத்தில் இருந்து கேரளா, ஆந்திரா ஆகிய மாநிலங்களுக்கு பஸ்கள் புறப்பட்டு செல்லும்.

இதுகுறித்து போக்குவரத்துத்துறை அதிகாரிகள் கூறும் போது, ‘சேலம் கோட்டத்தில் இருந்து 2-ந் தேதி முதல் 5-ந் தேதி வரை 300 சிறப்பு பஸ்கள் இயக்கப்படுகின்றன. பயணிகளின் கூட்ட நெரிசலை பொறுத்து கூடுதல் பஸ்கள் இயக்க நடவடிக்கை எடுக்கப்படும். மேலும் தீபாவளி பண்டிகை முடிந்த பின்னரும், வெளியூர்களுக்கு செல்லும் வகையில் 7, 8 மற்றும் 11, 12 ஆகிய தேதிகளில் சிறப்பு பஸ்கள் இயக்கப்பட உள்ளன‘ என்றனர்.

வேலூர்:

திருப்பதி ஏழுமலையான் கோவிலில் நவராத்திரி பிரம்மோற்சவ விழா நடந்து வருகிறது. விழாவின் 3-வது நாளான நேற்று இரவு 7 மணிவரை கோவில் அருகே உள்ள ஊஞ்சல் மண்டபத்தில் ஊஞ்சல் சேவை நடந்தது.

இரவு 8 மணியில் இருந்து 10 மணிவரை முத்துபந்தல் வாகனத்தில் உற்சவரான ஏழுமலையான் ஸ்ரீதேவி, பூதேவியுடன் சிறப்பு அலங்காரத்தில் எழுந்தருளி கோவிலின் நான்கு மாடவீதிகளில் உலா வந்தார்.

இன்று காலை 9 மணியில் இருந்து 11 மணிவரை கல்ப விருட்ச வாகன வீதி உலா நடந்தது. அதில், மலையப்பசாமி சிறப்பு அலங்காரத்தில் எழுந்தருளி கோவிலின் நான்கு மாடவீதிகளில் உலா வந்து பக்தர்களுக்கு அருள் பாலித்தார்.

இதில் ஆயிரக்கணக்கான பக்தர்கள் கலந்துகொண்டு சாமி தரிசனம் செய்தனர். சாமி ஊர்வலத்தின் முன்பு கோலாட்டம், கலை நிகழ்ச்சிகள் நடந்தது.

விழாவில் திருமலை- திருப்பதி தேவஸ்தான முதன்மை செயல் அலுவலர் அனில்குமார் சிங்கால், இணை அதிகாரி கே.எஸ்.சீனிவாசராஜு, திருப்பதி துணை அதிகாரி போலா பாஸ்கர் மற்றும் பலர் கலந்து கொண்டனர்.

இன்று இரவு சர்வ பூபால வாகனத்தில் உற்சவர் ஏழுமலையான் வீதி உலா வந்து பக்தர்களுக்கு அருள்பாலிக்கிறார்.

விழாவின் சிகர நிகழ்ச்சியான கருடசேவை நாளை இரவு 7 மணிக்கு நடக்கிறது. தங்க கருட வாகனத்தில் ஏழுமலையான் எழுந்தருளி மாடவீதிகளில் உலா வருகிறார்.

விடுமுறை தினத்தில் கருட சேவை வருவதால் லட்சக்கணக்கான பக்தர்கள் வருவார்கள் என எதிர்க்கப்படுகிறது. இதற்காக திருப்பதி தேவஸ்தானம் பல்வேறு ஏற்பாடுகளை செய்து வருகின்றனர்.

திருமலையில் கூடுதல் போலீசார் பாதுகாப்பு பணிக்கு குவிக்கப்பட்டுள்ளனர்.

மேலும் சென்னை, வேலூர், திருவண்ணாமலை, காஞ்சிபுரம், ஓசூர் உட்பட பல்வேறு பகுதிகளில் இருந்து சுமார் 150 சிறப்பு பஸ்கள் தமிழ்நாடு போக்குவரத்து கழகம் சார்பில் இயக்கப்படுகிறது.

இதேபோல் பெங்களூரு பகுதியில் இருந்து 50 பஸ்கள் இயக்கப்படுகின்றன. கருட சேவை அன்று பெங்களூரிலிருந்து வரும் பஸ்கள் அன்னமய்யா சர்க்கிள் பஸ் நிலையம் அருகே நிறுத்தி வைக்கப்படும்.

மேலும் சிறப்பு வாகன பராமரிப்பு குழுக்களும் மலைப்பாதையில் தயார் நிலையில் இருக்கும் வகையில் ஏற்பாடு செய்யப்பட்டுள்ளது. பஸ் நிலையங்களில் மருத்துவம், சுகாதாரம் சார்பில் சிறப்பு வசதிகள் செய்யப்பட்டுள்ளது என்று அதிகாரிகள் தெரிவித்தனர்.  #TirupatiTemple

வேலூர்:

முருகன், கோவில்களில் ஆடிக்கிருத்திகை விழா வரும் 5-ந் தேதி கொண்டாடப்படுகிறது. அன்றைய தினம் பல்லாயிரக்கணக்கான பக்தர்கள் காவடி எடுத்து முருகனை வழிபடுவார்கள். திருத்தணி கோவிலுக்கு வேலூர் மாவட்டத்தை சேர்ந்த பக்தர்கள் இன்றிலிருந்தே அதிகளவில் காவடி எடுத்து செல்கின்றனர்.

இதற்காக வேலூர் மண்டல அரசு போக்குவரத்துக் கழகம் சார்பில் 400 பஸ்கள் இயக்கபடுகிறது. இன்று முதல் 3 நாட்களுக்கு (வெள்ளி, சனி, ஞாயிறு) வேலூர் புதிய பஸ் நிலையத்தில் இருந்து 516 டிரிப் (நடை), பழைய பஸ் நிலையத்தில் இருந்து 279 டிரிப், ஆற்காட்டில் இருந்து 119 டிரிப், பேர்ணாம்பட்டில் இருந்து 42 டிரிப், திருப்பத் தூரில் இருந்து 158 டிரிப் என மொத்தம் 1,310 டிரிப்களாக சிறப்பு பஸ்கள் திருத்தணிக்கு இயக்கப்படுகிறது. அதே நேரம் பக்தர்களின் எண்ணிக்கை அதிகமானால் சிறப்பு பஸ்கள் எண்ணிக்கை அதிகரிக்கப்படும் என போக்குவரத்து அதிகாரிகள் தெரிவித்தனர்.